Ẓṛ asagm n Urrig

'''Arrig niɣ d Algaz''' (S Taɛrabt: غاز, s Tfransist: Gaz) iga yan waddad n tanga ur yufi yan ad t ikms s ufus, llant gigan n wanawn n urrign, kra iga t tamtta yadlli tẓḍaṛ ad tettamẓ talɣa n urrig d mayad ibidd f man [[tirɣi]] a ɣ tlla, d taskflt n uluzzu n [[Tafult|tfulin]] nns, kra n urrign lan aklu d wiyyaḍ lan aḍu.<ref name=":0">Great World Encyclpedia of Science</ref>    

Urrig ittyawskar s yat tgrgurt n [[Tafult|tfulin]] niɣ d [[Ablkim|iblkimn]] lluzzanin (kuyan iga win ixf nns) ar ttmattayn s aynna ka ufan. <ref name=":0" />Ɣayann a f ur iṭṭaf urrig yan [[Ablɣ|ublɣ]] ula talɣa izgan ur d zun d tafkka tadɣrt ula tablulut. Bac ad tzri tanga ssɣ waddad ablulu s waddad algazan ixṣṣa ad as ijṛu ɣaylli s ttinin "Asmar".<ref name=":0" />
[[Afaylu:Kinetic_theory_of_gases.svg|vignette|Iblkimn lluzzanin ar skarnt yan ulgaz. ]]
Aḍu iga yan urkas n ilgazn, ig [[uksijin]] yan ssɣ imssilitn-nns.        

== Anawn n Yilgazn ==
Llan sin wanawn n yilgazn: 

- '''Algaz n tilawt:''' algaz nna ur igin zun d algaz imuccḍn,  d ura ifttu f ilugnn nns, dɣmklli immala yism nnsn, ɣwid ad ittilin ɣ twnnaḍt.... Iẓḍaṛ imil ad ig zun d kra n ulgaz imuccḍn iɣ nit tggut trɣi, idrus usadd.    

- '''Algaz imuccḍn:''' Yan ulgaz ur illin ɣ twnnaḍt, dars kra n ilugann nns ẓlinin ar fllatsn ifttu ɣ waddad nna illan. Llan waxxa ɣik ann kra n ilgazn da asn akmurnin zun d [[Ahidrujin]] , Uksijin, azuṭṭ, ilgazn inmɣurn ([[Ahilyum]], Aniyyun, Argun).  

== Ilugnn ==

Kra iga tt algaz imuccdn (gaz parfait) ar ittḍfar kṛaḍ ilugann, hatni:  

=== Alugn n buyl Maryuṭṭ ===

Ɣ yat tirɣi igan tamzgut (ur ar tnffil) darnɣ:

<chem id="Alugn n Buyl">P.V = K</chem> 

• P = Asadd (Pression) 

• V = Ablɣ (Volume) 

• K = Tamzgut (constante)  

Ar ilmma ittini ulugn-ad mas d kra s ar ittidrus ublɣ n ulgaz kra s yaqqlay usadd nns.     

=== Alugn n Carlz ===
Ɣ yan usadd igan amzgu (ur ar inffil) darnɣ:

  <math>\frac{V}{T}=K</math>
• V = Ablɣ (Volume)

• T = Tirɣi (Temperature) tlla s [[Akilvin|ukilvin]] 

• K = Tamzgut (constante)

Ar ilmma ittini ulugn-ad mas d kra s ar yaqqlay ublɣ kra s ar dis taqqlay trɣi.     

=== Alugn n Usadd (Gay-Lussac) ===
Ɣ yan ublɣ igan amzgu darnɣ: 

<math>\frac{P}{T}= K</math> 

• T = Tirɣi (Temperature) tlla s [[Akilvin|ukilvin]] 

• P = Asadd (Pression) 

• K = Tamzgut (constante) 

Ar ilmma ittini ulugn-ad mas d kra s ar yaqqlay usadd kra s ar dis taqqlay trɣi. 

=== Alugn n yilgazn muccḍnin ===
Ssɣ kṛaḍ n ilugann-ad lli ttyawbdarnin ḍin-d sul alugn n waddad da tn akkʷ ismunn darnɣ:

<math>p.V=n.R.T</math>

== Tisuɣal ==
<references />{{Tazddart n waggur|Timassanin|}}