Ẓṛ asagm n Talɣa:Asif n Wansifen


'''Asif n wansifen''' neɣ '''Asif n isaffen''' (s [[Tutlayt Taɛrabt|taɛrabt]] : نهر أم الربيع ''Umm rrbiɛ'' ) iga yan wasif bahra imqqurn g tmazirt n [[Lmɣrib]]. Yullid wasif n Wansifen seg idraren n [[Aṭlas anammas|waṭlaṣ anammas]] issudu s umnid n umalu allig nn-iffi g taman tiɣremt n [[Azmmur (tamdint)|Uzmmur]], g ugaru (océan) Aṭṭlanṭi. Tiɣzi gis 555 Km, tamkta n waman sgis izrrin ar traḥan ar <math display="inline"> 117  m^3/s </math>, ɣayadd a yudjan asif n wansifen ayeg asif wiss sin g tmazirt n [[Lmɣrib]].

Isaffen n [[Tasawt]] d [[Wad lɛbid]] gan isaffen imqqran dadd i-tt-ffin g [[Asif|wasif]] n wansifen, ssin itsen uckand seg idraren n waṭlaṣ amqqran, seg tmnaḍin [[Infeḍwak]] d [[Innultan]], seg tsga n unẓul.

Asif n wansifen yattuy bahra watig-ns g umzruy tmazirt n [[Lmɣrib]] d [[Amaḍal|umaḍal]] aqbur, iqqim iga iwtta ger tagldit n Fas d Tagldit Murrukc g uzmz [[Iwaṭṭasn|Iwaṭṭasen]] d [[Imarinen]], allig d ikcem urumi [[Fransa|Afranṣawi]] s [[Lmɣrib]] g usggas n 1912. Ig daɣ asif-ad iwtta inger tiqqbilin n [[Ccawiyya]] d Rrḥamna, tili dars daɣ yat tawwri tagjdant g tibḍit tatrart n Murrukc, illa inger Tasga n [[Tasga n Mrrakc-Asfi|Mrrakc-Asfi]] d tasga n [[Tasga n Tigmmi Tumlilt-Sṭṭat|Tigmmi tumlilt-Sttat]]. '''...[[Asif n Wansifen|Ɣer uggar]] ...'''


==Assaɣ ==
Assaɣ aqqbur igat '''Wansifen''' s unamk n '''wasif n isaffen''' neɣ asif kullu ymqquren, acku asif-ad iga asif kullu ymqquren g tamnaḍt-ad lli g illa, ayaɣ af as gan s wassaɣ asif amqqran neɣ asif n isaffen, ɣmklli isawl f wassaɣ ad '''Lyyun Al afriqi''' g udlis-ns '''Waṣf ifriqya''', '''adlis ad lli igan yan seg igjda n tussna n Lmɣrib aqqbur d tussna iqqbiln-ns'''. 

G tasut tiss 16 assaɣ ad i-tt-ussnfal s wassaɣ n '''Umm rrbiɛ''', assaɣ ad nna igan assaɣ n yan iɣrem seg iɣrman nna ɣ izray f wasif ad, macc assaɣ n iɣrm ad igat ''Umm Rabiɛ'' ɣmklli inna ''Muḥmmad Al idrisi'' g udlis nns '''Nuzzhat Almuctaqq'''.

== Amda alilan ==
Amda alilan n wasif n wansifen dars yat tajumma n <math>35 000 Km^2</math> .

== Isaffen ==
* Asif n [[Asif n Tasawt|Tasawt]]
* Asif n [[Wad lxḍer]]
* Asif n [[Wad lɛbid]]
* Asif n [[Sru]]
* Asif n [[Cbuka]]
* Asif n [[Wawman]]
* Asif n [[Drna]]

==Amawal ==

* Amda alilan  : حوض مائي
* ililan  : ماء
* Amda  : حوض
* Agjdan  : رئيسي
* Agaru  : محيط
*Uẓẓun : حد فاصل
*Aktum  : صبيب ,débit
*Amda alilan : حوض مائي  seg ililan : ماء
*Aglam : وصف، description
*Tamzazt : جريان, mouvement d'une rivière
*Amɣlal : دائم, permanent