Ẓṛ asagm n Talɣa:Aggur:Timassanin/Amgrad n imalas

[[Afaylu:Newtons laws in latin.jpg|thumb|Tasniwin timzwura n udlis n Islgan n Nyutun s tutlayt [[Tutlayt Talatint|talatint]].]]
'''Islgan n umussu''' n [[Isaac Newton|Isḥaq Nyuṭun]] ar skarn azday ingr afud da ismussun tazzit d umussu nns.

==Aslgn amzwaru ==
Ar ittini uslgn amzwaru n Nyutun mas ig yat tazzit t-bidd ur attmussu nɣ ar tmussu s yat tazzla timzgit g yan umnid, ira tɣama tazzit ad tɣama tbidd nɣ ra-tɣama tssuda s yat tazzla timzgit mqqar ar fllas ittagz wafud. Aslgn ad i-tt-uyssan s wassaɣ n '''Aslgn n Tussimt'''.

Rad tt nara s ɣmk-ad:

<math>\sum \vec{F} = 0\; \Leftrightarrow\; {dv \over dt} = 0.</math>

'''Aslgn n Tussimt''' iwfat g tizwiri mass [[Galilyu Galili]] yara-t s tɣarast nna s t-nssn, macc ɣir i wmussu afraran f wakal, g yan uzmz yaḍni mass [[Runi Dikart]] issmɣur aslgn ad.

Dat  [[Galilyu Galili|Galili]] tlla yat tswingmt mas akk imussutn ifrarann darsn timntal tusridin. Macc [[Galilyu Galili|Galili]] iẓẓdar a-ysan sg irimn-ns mas tazzit ittmussun, ra-tɣama ar tmussu mqqar yan afud ar iswwuri bac a tbidd.

==Aslgn wiss sin ==
'''Aslgn wiss sin''' n [[Isḥaqq Nyutun|Nyutun]] iga yan uslgn yakkan yan uglam asmktan n maf-iẓdar yan wafud at iskr i wmussu n yat tazzit. ar ittini mas asnfl n tasmkta n umussu g uzmz n yat tazzit inict g umnad d tasmkta i tazduzt (mass) d tazzla-ns. tasmkta n umussu tga zund tazzla, gan imawayn, darsn ssin tasmkta d amnid. 

Afud i-tt-ssurḥen f yat tazzit iẓdar ayssnfl tasmkta n umussu ns, nɣ amnad ns ne iẓdar atn issnfl ssin. Aslgn wiss sin n [[Isḥaqq Nyutun|Nyutun]] iga yan uslgn akk istawhmman g [[Tasngama]].

Yat tazzit ilan yat tazduzt timzgit <math>m</math>, ras nara  : 

<big><math display="inline">\overrightarrow{F} = m \times \overrightarrow{a} </math></big>   neɣ nẓdar at nara s tɣarast yaḍnin :  <math>\overrightarrow{F} =m \times \frac{d\overrightarrow{v}}{dt}  </math>

Ɣid ar nmmal :

*''<math>\overrightarrow{F}</math>  : Afud''
*''<math>m </math>  : Tazduzt''
*''<math>\overrightarrow{a}</math>  : Tazzazt''
Maɣ''' <math>\overrightarrow{F}</math>''' d '''<math>\overrightarrow{a}</math>''' gan imawayn.

Ig yat tazzit dars afud agnsan,ar ittazzaz s mklli aɣ ttini tagda n uslgn ad wiss ssin n Nyutun. sg tasga yaḍnin ig tazzit ur attazzaz, ur ra-gis ili yan afud agnsan.

==Aslgn wiss kraḍ ==
[[Afaylu:Skaters showing newtons third law.svg|thumb|Tawlaft immaln Aslgn wiss krad n Nyutun]]
Aslgn wiss kraḍ n Nyutun ar ittini mas ig darnɣ snat tazziwin, yat ar iṭṭiḍiṣ f wayyaḍ, nẓdar a nini mas yan ar issḥruy afud f wayyaḍ s tmkta inicten d imnaden isniln. Aslgn wiss kraḍ ittuyssan s wassaɣ n '''Aslgn n tigawt d trarit. '''Aslgn ad istawhmma bahra g tiɣri n amyas agellal'''.'''

==Amawal ==
<div style="column-count:3;-moz-column-count:4;-webkit-column count:6">
*Aglam = description
*Amaway = vector
*Agnsan = interior
*Tazzit = body
*Timzgit = constant
*Timntal = causes
*Tusridin = direct
*Irimn = experiences
*Afraran = horizental
*Asmktan = quantitative
*Asnfl = change
*Amussu = momentum
*Inict = equal
*Amnad = direction
*Ssurḥn = applied
*Tagda = equation
*Iṭṭiḍiṣ = act
*Isniln = opposite
*Tigawt = action
*Agellal = static
</Div>

<center> '''... [[Islgan n umussu n Newton| Ɣer uggar]] ...'''  </center>

<noinclude> [[Taggayt:Aggur]]